Ռուսաստանի, Ուկրաինայի, Թուրքիայի և ՄԱԿ-ի ներկայացուցիչները համաձայնագրեր ստորագրեցին հացահատիկի արտահանման վերաբերյալ

Ուրբաթ օրը Ստամբուլում Թուրքիայի, Ուկրաինայի, Ռուսաստանի Դաշնության և ՄԱԿ-ի ներկայացուցիչները ստորագրել են Ուկրաինայից Սև ծովով գյուղմթերքների արտահանման հացահատիկային միջանցք ստեղծելու մասին համաձայնագիր։

Ռուսաստանից փաստաթուղթը ստորագրել է պաշտպանության նախարար Սերգեյ Շոյգուն, Թուրքիայից՝ ռազմական գերատեսչության ղեկավար Հուլուսի Աքարը։ Արարողությունն ուղիղ հեռարձակել է Euronews-ը:

Թուրքիան, Ուկրաինան և ՄԱԿ-ը ստորագրել են համաձայնագրի իրենց մասը։ Կիևից այն ստորագրել է ենթակառուցվածքների նախարար Ալեքսանդր Կուբրակովը։