Ամենից շատ կարդացված նյութեր
.jpg "Ժիրայր Մարտիրոսյանը Գորիսի համայնքապետարանի կողմից արժանացել է շնորհակալագրի")
Ժիրայր Մարտիրոսյանը Գորիսի համայնքապետարանի կողմից արժանացել է շնորհակալագրի
Գորիսի քաղաքային պատկերասրահում կայացավ գեղանկարիչ Ժիրայր Մարտիրոսյանի ծննդյան 65֊ամյակին նվիրված հոբելյանական ցուցահանդեսը, որին ներկայացված անգնահատելի գործերում պատկերված էին Գորիս քաղաքի բնապատկերները՝ տարբեր ժամանակաշրջաններում։ Ժիրայր Մարտիրոսյանի դերը մեծ ու անգնահատելի է Գորիսի մշակութային կյանքի զարգացման գործում։ Այս մասին հայտնում են Գորիսի համայնքապետարանից։
«Նա Հայաստանի և Արցախի նկարիչների միության անդամ է, ՀՀ նկարիչների միության Սյունիքի մասնաճյուղի նախագահ։ Վերջինս մեծ ներդրում է ունեցել Գորիսի արվեստի զարգացման, Գորիսի պատկերասրահի զարգացման և կայացման գործում։
Մասնակցել է արտասահմանում արվեստագետներին նվիրված միջոցառումների և ցուցահանդեսների, ներկայացրել նաև իր աշխատանքները։ Ժիրայր Մարտիրոսյանը Գորիսի համայնքապետարանի անունից՝ համայնքապետ Առուշ Առուշանյանի կողմից արժանացավ շնորհակալագրի Գորիսի մշակութային կյանքում իր անգնահատելի գործնեության համար։
Գորիսի պետական համալսարանի ռեկտոր Տիգրան Վադունցը նույնպես շնորհակալագիր և նվեր հանձնեց Գորիսի պետական համալսարանի անունից։ Շնորհավորանքի խոսքերով հանդես եկան նրա ընկերները, մտավորականները, ծանոթները և հարազատները»,- ասվում է հաղորդագրությունում։
Studio One