Ամենից շատ կարդացված նյութեր
.jpg "Թեհրանն հայտնում է, որ երաշխիքներ ստանալու դեպքում Իրանը պատրաստ է ընդունել միջուկային ծրագրի առաջարկները")
Թեհրանն հայտնում է, որ երաշխիքներ ստանալու դեպքում Իրանը պատրաստ է ընդունել միջուկային ծրագրի առաջարկները
Թեհրանը կարծում է, որ Գործողությունների համատեղ համապարփակ ծրագրի (ԳՀՀԾ) վերականգնման վերաբերյալ ԵՄ-ի առաջարկած փաստաթղթի տեքստը կարող է ընդունելի լինել, եթե հաշվի առնվեն մի շարք ոլորտներում Իրանի պահանջները: «Ինտերֆաքսը» գրել է, որ նման լուր է հայտնել IRNA գործակալությունը՝ վկայակոչելով իրանցի դիվանագետին։
Ըստ լրատվական գործակալության՝ Իրանը պատրաստ է ընդունել ԵՄ-ի առաջարկները, եթե Թեհրանին երաշխիքներ տրվեն, այդ թվում՝ «ՄԱԳԱՏԷ-ի գործունեության հետ կապված քաղաքական առումով և պատժամիջոցներով»։
Գործակալությունը նշել է, որ Իրանը ներկայումս ուսումնասիրում է այդ առաջարկները։
Ավելի վաղ հաղորդվել էր, որ ԵՄ դիվանագետները մշակել են Իրանի հետ միջուկային գործարքի վերականգնման վերաբերյալ փաստաթղթի վերջնական փաթեթ։
2015 թվականին Իրանը և «վեցնյակ» միջազգային միջնորդները (ՄԱԿ-ի Անվտանգության խորհրդի հինգ մշտական անդամները և Գերմանիան) ստորագրել էին Գործողությունների համատեղ համապարփակ ծրագիրը (ԳՀՀԾ), որի համաձայն Թեհրանը պետք է սահմանափակի իր միջուկային ծրագրի զարգացումը բացառապես խաղաղ նպատակներով՝ միջազգային և միակողմանի պատժամիջոցների չեղարկման դիմաց։
Studio One