Հումանիտար աղետ Պակիստանում. ջրհեղեղների հետևանքով զոհվել է մոտ 1000 մարդ, ավերվել է կես միլիոն տուն

Պակիստանում հունիսից ավերիչ ջրհեղեղների հետևանքով զոհերի թիվը հասել է 937-ի։ Նրանցից ավելի քան մեկ երրորդը երեխաներ են, գրում է euronews.com-ը։

Նշվում է, որ ավերվել է մոտ կես միլիոն տուն։

Կառավարությունը արտակարգ դրություն է հայտարարել։ Ուրբաթ օրը վարչապետ Շահբազ Շարիֆը օգնության խնդրանքով դիմել է միջազգային հանրությանը։

Պակիստանի իշխանությունները տարերային աղետն անվանել են «այս տասնամյակի ամենասարսափելի հումանիտար աղետը»։