Ամերիկացի հրահանգիչները վարժանքներ են անցկացրել Վրաստանի փրկարարների համար

Ամերիկացի հրահանգիչները Վրաստանի ՆԳՆ Արտակարգ իրավիճակների կառավարման ծառայության աշխատակիցների համար վարժանքներ են անցկացրել ջրում և լեռներում։ Այդ մասին, ՏԱՍՍ-ի փոխանցմամբ, հայտնել է գերատեսչության մամուլի ծառայությունը։

Նշվում է, որ զորավարժություններն անցկացվել են ԱՄՆ Պաշտպանական համագործակցության գրասենյակի (US ODC) հետ համատեղ։ Զորավարժությունները տեղի են ունեցել Բորժոմիի մունիցիպալիտետում (կենտրոնական Վրաստան) և Ռաչայում (Արևմտյան Վրաստանի հյուսիս-արևելյան մաս):

Զորավարժությանին մասնակցել է 50 հրշեջ-փրկարար, ինչպես նաև Վրաստանի Պաշտպանության ուժերի ազգային գվարդիան:

Նշվում է, որ ԱՄՆ-ից ժամանած հրահանգիչները վրացի փրկարարներին ցույց են տվել, թե ինչպես օգնել խեղդվողին, հատուկ մալուխային գծեր անցկացնել և արագ հոսանքով շարժվել լողալու հարմարանքներով: Նաև վրացի փրկարարները վարժվել են բարձրությունից իջնելու նապտակով պարաններով և հանգույցներով աշխատելու գործընթացում։

Միջոցառման ավարտին բոլոր մասնակիցներին տրվեցին հատուկ վկայականներ։

Սեպտեմբերի 9-ին Վրաստանում ավարտվել են ԱՄՆ-ի հովանու ներքո անցկացվող «Արժանի գործընկեր-2022» բազմազգ զորավարժությունները։