ԵՄ-ն քննարկելու է Իրանի դեմ նոր պատժամիջոցները` Ռուսաստանին ԱԹՍ-ներ մատակարարելու համար

Եվրահանձնաժողովը հոկտեմբերի 20-21-ը կայանալիք ԵՄ գագաթնաժողովում քննարկման կներկայացնի Իրանի դեմ նոր պատժամիջոցների նախագիծը՝ Ռուսաստանին ենթադրյալ ԱԹՍ մատակարարելու համար։ ՏԱՍՍ-ը հաղորդում է, որ այդ մասին չորեքշաբթի հայտնել է Politico թերթի եվրոպական խմբագրությունը՝ վկայակոչելով Բրյուսելի դիվանագիտական աղբյուրները։

«Նոր պատժամիջոցները կկիրառվեն Իրանի հինգ ֆիզիկական անձանց և երեք կազմակերպությունների նկատմամբ, այս պատժամիջոցները կհամալրեն երկուշաբթի օրը Իրանի դեմ համաձայնեցված պատժամիջոցներին՝ իրանցի ցուցարարների ոտնձգությունների և սպանությունների համար»,-հաղորդում է պարբերականը։

Ըստ հրապարակման, ԵՄ դեսպանները չորեքշաբթի օրը կհամաձայնեցնեն այդ պատժամիջոցները, որից հետո դրանք կներկայացվեն հինգշաբթի և ուրբաթ օրը Բրյուսելում կայանալիք ԵՄ պետությունների և կառավարությունների ղեկավարների գագաթնաժողովին։