20 մլրդ դրամ վարկ Արցախին՝ բռնագաղթածների համար տների կառուցմանը

Կառավարությունն այսօրվա նիստի չզեկուցվող հարցերի փաթեթով որոշում ընդունեց, ըստ որի պետական բյուջեից Արցախի կառավարությանը կտրամադրվի 20 միլիարդ դրամ գումարի չափով միջպետական վարկ:

«Միջպետական վարկը Արցախի Հանրապետության կառավարությանը տրամադրվում է տարեկան 0,01 % տոկոսադրույքով, մինչև 2026 թվականի հունվարի 1-ը մարման ժամկետով՝ վարկի հիմնական գումարի և դրա նկատմամբ հաշվեգրվող տոկոսագումարների վճարումը վարկի մարման վերջնաժամկետում իրականացնելու պայմանով»,-ասվում է նախագծի հիմնավորման մեջ։

Վարկային միջոցները նախատեսված են բռնագաղթած արցախցիների համար Արցախի Հանրապետության տարածքում բնակելի տների կառուցման և կահավորման, ինչպես նաև բանկերի հանդեպ ունեցած պարտավորությունների ֆինանսավորման համար։