Forbes. Ասիայից հինգ միլիարդատերեր հարստացել են աշխարհում եկամուտների ընդհանուր անկման պայմաններում

Ասիացի միլիարդատերեր Գաուտամ Ադանին, Լոու Տակ Կվոնգը, Քոլին Հուանգը, Ու Յիլինգը և Ռավի Ջայպուրիան 2022 թվականին կարողացել են միասին ավելացնել իրենց կարողությունը ավելի քան 90 միլիարդ դոլարով՝ եկամտի մակարդակի ընդհանուր անկման պայմաններում: Forbes-ի հրապարակած տեղեկությունը ներկայացնում է «Գազետա ռու»-ն։

Ամենից շատ 2022 թվականին Հնդկաստանից 60-ամյա Գաուտամ Ադանին՝ «Adani Group»-ի սեփականատերը, կարողացավ մեծացնել իր կարողությունը։ Այս պահին նրա ակտիվները գտնվում են 116,8 միլիարդ դոլարի մակարդակում, մինչդեռ միայն 2022 թվականին դրանք աճել են 55 միլիարդ դոլարով։

Երկրորդ տեղը զբաղեցրել է 74-ամյա Լոու Տակ Կվոնգը Ինդոնեզիայից, Bayan Resources-ի սեփականատերը։ Այս տարի նա վաստակել է 16 միլիարդ դոլար, իսկ կարողությունը՝ 25,2 միլիարդ դոլար, երրորդ տեղում է 42-ամյա չինացի Քոլին Հուանգը, ով ստեղծել է Pinduoduo շուկան։ Նրա կարողությունը կազմում է 29,6 մլրդ դոլար, իսկ տարվա աճը կազմել է 11 մլրդ դոլար։

Չորրորդ տեղում չինացի 73-ամյա Ու Յիլինգն է՝ Yiling Pharmaceutical-ի ղեկավարը։ Նրա կարողությունը կազմում է 4,9 միլիարդ դոլար, տարվա աճը՝ 4 միլիարդ դոլար: Նրա ընկերությունը արտադրում է դեղամիջոցներ վիրուսային վարակների, այդ թվում՝ կորոնավիրուսի, ինչպես նաև սրտանոթային, ուռուցքաբանական, ուրոլոգիական և այլ հիվանդությունների բուժման համար: Լավագույն հնգյակը եզրափակում է հնդիկ 68-ամյա Ռավի Ջայպուրիան, ով RJ Corp-ի ղեկավարն է։ Այս պահին նրա կարողությունը գնահատվում է 8,9 միլիարդ դոլար, իսկ տարեկան աճը կազմում է 3,9 միլիարդ դոլար:Նա կառավարում է այնպիսի ակտիվներ, ինչպիսիք են KFC-ն, Pizza Hut-ը և Costa Coffee-ը:

Դեկտեմբերի 23-ին Forbes USA-ն, վկայակոչելով սեփական հաշվարկները, հայտնել է, որ աշխարհի ամենահարուստ մարդկանց կարողությունը 2022 թվականին նվազել է 1,9 տրիլիոն դոլարով։ Նրանց ընդհանուր կապիտալը գրեթե 12 ամսում 13,8 տրլն դոլարից նվազել է մինչև 11,9 տրիլիոն դոլար։