Տոնական օրերին շտապօգնության կանչերն ավելացել են. Թագուհի Ստեփանյան

Տոնական օրերին շտապօգնության կանչերի թիվն ավելացել է: Այս մասին Panorama.am-ի թղթակցի հետ զրույցում ասաց «Շտապօգնություն» ՓԲԸ ղեկավար Թագուհի Ստեփանյանը։

Նրա խոսքով՝ վերջին օրերին շտապօգնության ծառայությունն օրական մոտ 950 կանչ է ստացել, իսկ հունվարի 2-ից 3-ը՝ 1023 կանչ։

Թագուհի Ստեփանյանը նշեց, որ հիմնական կանչերը եղել են սուր շնչառական հիվանդությունների, այնուհետև սիրտանոթային հիվանդությունների ու տրավմաների հետ կապված։ Ի տարբերություն նախորդ տարիների, ըստ նրա, այս տարի թունավորման դեպքեր չեն գրանցվել։

Նա նաև հայտնեց, որ ընդհանուր կանչերից 20%-ը հոսպիտալացվել են: