Բայդենն Ուկրաինայում Ռուսաստանի ռազմական գործողությունն անվանել է «դարերի փորձություն» ԱՄՆ-ի և աշխարհի համար

ԱՄՆ նախագահ Ջո Բայդենը Ուկրաինայում ՌԴ ռազմական գործողությունն անվանել է «դարերի փորձություն» ԱՄՆ-ի և ամբողջ աշխարհի համար։ Այս մասին նա հայտարարել է Կոնգրեսին ուղղված ամենամյա ուղերձում, փոխանցում է «Իզվեստիա» գործակալությունը։

Ինչպես նշել է Սպիտակ տան ղեկավարը, ռազմական գործողությունն օգնեց ԱՄՆ-ին միավորել  Հյուսիսատլանտյան դաշինքի երկրները և ստեղծել կոալիցիա՝ Ուկրաինայում Ռուսաստանի հատուկ ռազմական գործողությանը դիմակայելու համար։

«Մենք միավորել ենք ՆԱՏՕ-ն և ստեղծել գլոբալ կոալիցիա»,- ասել է Բայդենը։