Սթիվ Վոզնյակը Իլոն Մասկին անվանել է անազնիվ և Tesla-ին մեղադրել իր փողերը «գողանալու» մեջ

Apple-ի համահիմնադիրը The Street պորտալին տված հարցազրույցում պատմել է, թե ինչպես են Իլոն Մասկն ու Tesla-ն մեծ գումարներ «գողացել» իր ընտանիքից, ինչպես նաև համեմատել են Twitter-ի ղեկավարին Սթիվ Ջոբսի հետ։

«Ես նրանց (Ջոբսին և Մասկին) դասում եմ այն մարդկանց կատեգորիայի մեջ, ովքեր կարողանում են շփվել և ցանկանում են համարվել կարևոր անձնավորություն և նմանվել պաշտամունքի առաջնորդի»,-«Գազետա ռու»-ի փոխանցմամբ՝ ասել է Վոզնյակը՝ համեմատելով գործարարներին։

Ըստ Վոզնյակի՝ շատերը կհետևեն այս տեսակի մարդկանց, ինչ էլ որ նրանք ասեն։ Նա իրեն հակադրեց այս արխետիպին՝ ասելով, որ սիրում է ազնիվ ապրել ու գոյություն ունենալ։ Հենց այս հատկանիշից, նրա կարծիքով, զուրկ է Մասկին, որը, , բազմիցս գերագնահատել և թերագնահատել է իր Tesla ընկերության ներուժը։

«Մեծ ազնվություն անհետանում է, երբ նայում ես Իլոն Մասկին և Tesla-ին: Ընտանիքիս՝ ինձ ու կնոջս այսքան գումարից են զրկել։ Նրանք ասացին բաներ, որոնց իրական լինելը մենք իսկապես հավատում էինք»,-ասել է Վոզնյակը:

Apple-ի համահիմնադիրը Tesla-ի սեփականատեր է դարձել 2016թ. Եվ, ինչպես խոստովանել է Վոզնյակը, նա մեծ գումարներ է ծախսել իր էլեկտրական մեքենան արդիականացնելու վրա՝ տեղադրելով ութ տեսախցիկ և հատուկ սենսորներ ինքնաշխատ երթևեկության համար, որոնք Մասկը խոստացել էր գործարկել մինչև 2016 թվականի վերջ, իսկ հետո՝ մինչև 2017 թվականը։ Բայց դա էլ չեղավ։

Այսպիսով, Մասկը «խաբել» է Վոզնյակին և նրանից գումար «գողացել» րաշխատող ֆունկցիայի համար։