Մարմնամարզության հավաքականը մեկնել է Դոհա

Գերմանիայի Կոտբուս քաղաքում ավարտվել է սպորտային մարմնամարզության առանձին գործիքներից աշխարհի գավաթի խաղարկության առաջին փուլը:Այս մասին հայտնում է ՀԱՕԿ-ը։

Հայաստանի պատվիրակներից առավել հաջող հանդես են եկել և հաղթողի պատվին արժանացել անվանի հենացատկորդ Արթուր Դավթյանը:

Նժուգթափերում երկրորդը ճանաչվել է շնորհալի Գագիկ Խաչիկյանը:Դա նրա առաջին հաջողությունն է մեծահասակների մրցումներում:

Օղակների վրա երրորդ տեղով բավարարվել է Արթուր Ավետիսյանը:

Մրցավարտից հետո մեր հավաքականը մեկնել է Դոհա, որտեղ կմասնակցի մարտի մեկին սկսվող աշխարհի գավաթի խաղարկության երկրորդ փուլի մրցումներին: