Հայաստանի առաջատար եռացատկորդները մեկնել են Ստամբուլ

Հայաստանի առաջատար եռացատկորդներ, կապանցիներ Լևոն Աղասյանը և Յանա Սարգսյանը մեկնել են Ստամբուլ՝ Եվրոպայի աթլետիկայի ձմեռային առաջնությանը մասնակցելու։ ՀԱՕԿ-ի փոխանցմամբ՝ նրանք մրցավայր են մեկնել իրենց անձնական մարզիչ, վաստակավոր մարզիչ Արսեն Պետրոսյանի ուղեկցությամբ: 

«Առաջինը ելույթ կունենա Լևոնը: Նա մարտի երկուսին կմասնակցի որակավորման փուլի մրցումներին: Հաջորդ օրը նույն սցենարով ելույթ կունենա Յանան:

Ամենայն հավանականությամբ մրցավարում նրանց կմիանա մարզաձևի հանրապետական ֆեդերացիայի նախագահ, հեռացատկից Եվրոպայի անգերազանցելի ռեկորդակիր,  գյումրեցի Ռոբերտ Էմմիյանը:

Ստամբուլի աթլետիկական հատվածներում ընդհանուր առմամբ հանդես կգան 47 երկրների 26 մրցաձևեր ներկայացնող 593 մարզիկ-մարզուհիներ»,- ասվում է հաղորդագրությունում: