«Հյուսիսային հոսք»-ի պայթյունները բնապահպանական աղետի պատճառ են դարձել. հետազոտություն

Դանիայից, Գերմանիայից և Լեհաստանից գիտնականները հետազոտություն են անցկացրել և պարզել, թե ինչպես են «Հյուսիսային հոսք-1» և «Հյուսիսային հոսք-2» պայթյունները ազդել Բալթիկ ծովի էկոլոգիայի վրա: Արդյունքները հրապարակվել են «The Copenhagen Post»-ում:

Հետազոտողները պարզել են, որ 2022 թվականի սեպտեմբերին «Հյուսիսային հոսք»-ում որոտացած չորս պայթյունների հետևանքով 250 հազար տոննա աղտոտվածություն բարձրացել է ծովի հատակից։ Արդյունքում, թունավոր նյութեր պարունակող նստվածքը, որը կարող է պոտենցիալ ոչնչացնել ծովային մի քանի պոպուլյացիաներ, բարձրացավ վերև:

Գիտնականների կարծիքով՝ միջադեպի հետևանքով կարող էին սատկել բալթյան ձողաձկան և ծովախոզի պոպուլյացիաները։ Նշվում է, որ այդ կենդանիների բազմացման վայրերը գտնվել են պայթյունի գոտիների մոտ։

Ի պատասխան զեկույցի՝ Դանիայի շրջակա միջավայրի նախարար Մագնուս Հոյնիկեն խոստացել է, որ կառավարությունը կհետևի և կկիսվի Բալթիկ ծովի շրջակայքում գտնվող հարևան երկրների հետ տեղեկատվությամբ, որպեսզի բոլորն ունենան հետևանքների վերաբերյալ ընդհանուր պատկերացում և բոլոր անհրաժեշտ միջոցները ձեռնարկելու հնարավորություն։

Բացի այդ, WWF-ի գլխավոր քարտուղար Բո Օքսնեբերգը Դանիայի և Շվեդիայի կառավարություններին կոչ է արել մշակել «ծովային պլան», որ Բալթիկ ծովը ապագայում պաշտպանված լինի նման մեծության միջադեպերից: