Ամենից շատ կարդացված նյութեր
.jpg "«Ժողովուրդ». Քաղաքացին կդիմի ԱԺ Հովիկ Աղազարյանի պահվածքը էթիկայի հանձնաժողովում քննելու համար")
«Ժողովուրդ». Քաղաքացին կդիմի ԱԺ Հովիկ Աղազարյանի պահվածքը էթիկայի հանձնաժողովում քննելու համար
«Ժողովուրդ» թերթը գրում է.
««Ժողովուրդ» օրաթերթի տեղեկություններով՝ քաղաքացի Տաթև Վիրաբյանը պատրաստվում է դիմում ներկայացնել Ազգային ժողով, որպեսզի ստեղծվի էթիկայի հանձնաժողով, և քննվի Ազգային ժողովի պատգամավոր Հովիկ Աղազարյանի պահվածքը: Այս մասին օրաթերթի հետ զրույցում հայտնել է հենց ինքը՝ Արցախի բնակիչ, լրագրող Տաթև Վիրաբյանը։
Հիշեցնենք, որ ապրիլի 15-ին Անահիտ Վիրաբյան անուն-ազգանունով մի կին օգտատեր հայտարարեց, որ Ազգային ժողովի «Քաղաքացիական պայմանագիր» խմբակցության պատգամավոր Հովիկ Աղազարյանն իրեն սեռական բնույթի հայհոյանք է գրել «Ֆեյսբուք» սոցիալական ցանցում։ Վիրաբյանն անպարկեշտ նամակը հրապարակել էր նաև սոցիալական ցանցի իր էջում:
Եվ չնայած պատգամավորը հայտարարեց, թե իր էջը, կարծես թե, կոտրել են, սակայն փաստերը հրապարակված էին, իսկ Աղազարյանը հայհոյելու համար այդպես էլ պատասխանատվության չի ենթարկվել մինչ օրս: Եվ, ահա, Տաթև Վիրաբյանը գործուն քայլերի է դիմում»։
Մանրամասները թերթի այսօրվա համարում
Studio One