Էրդողանն իրեն բռնապետ չի համարում՝ ընտրությունները թողել է երկրորդ փուլին

Թուրքիայի նախագահ, երկրում իշխող «Արդարություն և զարգացում» կուսացկության առաջնորդ և «Ժողովուրդ» դաշինքի միասնական թեկնածու Ռեջեփ Թայիփ Էրդողանը հարցազրույց է տվել «CNN Türk» հեռուստաալիքին։ Այս մասին տեղեկացնում է Էրմենիհաբերը։

Հարցազրուցավարը, հիշեցնելով Էրդողանին «Բայդենը (ԱՄՆ նախագահ Ջո Բայդեն), Էրդողանին տապալելու հրաման է տվել» իր իսկ կողմից արտաբերված խոսքերը, հարցրել է․ «Արդյո՞ք դուք իսկապես հավատում եք, որ Բայդենը ձեզ ցանկանում է տապալել»։

Հարցին ի պատասխան Թուրքիայի նախագահն ասել է․ «Անձն ով մի ընտրություն առաջին փուլում ավարտելու փոխարեն, թողնում է այն երկրորդին, կարո՞ղ է արդյոք լինել բռնապետ»։

Իսկ «Ձեր ընտրվելու պարագայում աշխատելու՞ եք Բայդենի հետ և կամ կարողնալու՞ եք աշխատել» հարցին, Էրդողանն ի պատասխան նշել է, որ դրանում կասկած չկա, աշխատելու է Բայդենի հետ ու եթե Բայդենն էլ գնա, նրա փոխարեն եկած մարդու հետ էլ է աշխատելու, անկախ այն բանից թե նա ով կլինի։