Թյուրքական պետությունների կազմակերպությունը սեփական արժույթի հիմնադրամ է ստեղծում

Թյուրքական պետությունների կազմակերպութունը հիմնում է արժույթի միջազգային սեփական հիմնադրամը։

Էրմենիհաբերի փոխանցմամբ, այս քայլը թյուրքական պետությունների միջև տնտեսական ինտեգրումն ապահովելու տեսանկությունից բավական կարևոր քայլ է համարվում:

Թյուրքական ներդրումային այդ հիմնադրամի կենտրոնական գրասենյակը տեղակայվելու է Թուրքիայի երկրորդ մայրաքաղաք համարվող Ստամբուլում:

Կազմակերպության անդամ երկրներից յուրաքանչյուրը (Թուրքիա, Ղազախստան, Ուզբեկստան, Ադրբեջան և Ղրղզստան), ստեղծված հիմնադրամի նախնական կապիտալի ձևավորման համար պետք ներդնի 100 մլն դոլար, որի արդյունքում էլ կապիտալը կկազմի 500 մլն դոլար:

Հիմնադրամի գործունեության ժամկետը սահմանվել է 20 տարի, սակայն կարող է նաև երկարաձգվել: Հիմնադրամի նախագահը նշանակվելու անդամ երկրների հերթականությամբ՝ 4 տարի պաշտոնավարման սկզբունքով:

Նշենք, որ հիշյալ հիմնադրամի ստեղծման մասին լուրերը թուրքական լրատվամիջոցներում որակվում են այնպիսի քայլ, որի արդյունքում Թուրքիան կշահի, իսկ Արևմուտքը՝ կապշի։