Լևոն Արոնյանն երկընտրանքի առաջ է

Հայաստանի հավաքականի նախկին առաջատար, այժմ ԱՄՆ դրոշի ներքո հանդես եկող Լևոն Արոնյանը երկընտրանքի առաջ է կանգնել` մեկնե՞լ Բաքու, թե՞ ոչ։

«Երկընտրանքի առջև եմ. ես՝ որպես մարդ, որը շատ է սիրում աշխարհի գավաթը, կցանկանայի մասնակցել 2023 թվականի աշխարհի գավաթին, բայց որպես հայ ինձ ապահով չեմ զգա Ադրբեջանում՝ Բաքվում։ Քանի որ ՖԻԴԵ-ն խթանում է հիբրիդային ձևաչափը, ես ավելի քան պատրաստ եմ խաղալ որևէ հնարավոր վայրից», - Թվիթերում գրել է Արոնյանը:

Նա նաև հավելել է. «Պարզապես մի գաղափար, ես պատրաստ եմ խաղալ ՖԻԴԵ-ի Լոզանի գրասենյակից ցանկացած անհրաժեշտ հսկողության ներքո»:

Հիբրիդային ձևաչափը ենթադրում է, որ շախմատիստը կարող է խաղալ առցանց, բայց այդ ընթացքում գտնվելով հանրային վայրում։

I have a dilemma. As a person who enjoys the world cup very much,
i would love to take part in the world cup 2023, but as an Armenian I don’t feel safe traveling to Baku,Azerbaijan.Since FIDE has been promoting the hybrid format i am more than willing to play from place possible

— Levon Aronian (@LevAronian) June 7, 2023