47 տարեկանում մահացել է Բելառուսի տրանսպորտի նախարարը

47 տարեկան հասակում մահացել է Բելառուսի տրանսպորտի և կապի նախարար Ալեքսեյ Ավրամենկոն, հայտնում է «Sputnik Բելառուս» գործակալությունը։

«Հուլիսի 4-ին 47 տարեկան հասակում հանկարծամահ է եղել Բելառուսի տրանսպորտի և կապի նախարար Ալեքսեյ Ավրամենկոն»,- գործակալությանը հայտնել են նախարարությունից։

Աբրահամենկոն ծնվել է 1977 թվականին Մինսկում։ 2006 թվականից աշխատել է տարբեր պաշտոններում Բելառուսի նախարարների խորհրդի աշխատակազմի տրանսպորտի և կապի վարչությունում, իսկ 2012 թվականին ղեկավարել է այն։

2013 թվականից զբաղեցրել է տրանսպորտի և կապի փոխնախարարի պաշտոնը, 2016 թվականից՝ տրանսպորտի և կապի նախարարի առաջին տեղակալի պաշտոնը։ 2019 թվականին նա նշանակվել է Բելառուսի տրանսպորտի և կապի նախարար։