Ամենից շատ կարդացված նյութեր
.jpg "Կարող էի նույնիսկ դատի տալ նրան, ով այդպիսի սուտ տեղեկություն էր տարածել. Ժաննա Անդրեասյան")
Կարող էի նույնիսկ դատի տալ նրան, ով այդպիսի սուտ տեղեկություն էր տարածել. Ժաննա Անդրեասյան
«Ես կարծում եմ, որ կարող էի նույնիսկ դատի տալ նրան, ով այդպիսի սուտ տեղեկություն է տարածել: Ծառայողական մեքենան վարում է միայն վարորդը և ՝ ծառայողական նպատակեներով»,-կառավարության դիմաց տված ճեպազրույցում հայտնեց ԿԳՄՍ նախարար Ժաննա Անդրեասյանը՝ անդրադառնալով տարածված լուրին, թե իր ամուսինը վթարի է ենթարկվել նախարարի ծառայողական մեքենան վարելիս:
Նախարարը չանդրադարձավ վթարի մանրամասներին՝ ասելով էր իր ամուսինը՝ Պետրոս Ղազարյանը, բավարար պարզաբանել է լուրը:
Անդրեասյանը կրկնեց, որ իր ծառայողական մեքենայի հետ որևէ դեպք տեղի չի ունեցել:
Անդրեասյանը պարզաբանեց նաև կառավարության որոշումը, որով մի բժշկական քոլեջը փակվեց՝ պատճառաբանելով քիչ ուսանողներ ունենալը և կողքին նույնատիպ մասնավոր քոլեջի առկայությունը:
«Քոլեջների պարագայում շարունակաբար ունենալու ենք օպտիմալացման գործընթաց և ունենք նման շուրջ 100 հաստատություններ, այնինչ կարող ենք նայել և տեսնել, թե որտեղ ունենք ավելի լավ տարբերակ հաստատությունների վերակազմակերպման համար»,-պատասխանեց նախարարը:
Նրա խոսքով՝ ընդունված որոշումը վերեբերում է հարևանությամբ գործող երկու բժշկական քոլեջի մասին, որից պետական քոլեջը լուծարում են՝ նրա ուսանողներին կից մասնավորում կրթություն ապահովելու երաշխիքով:
Studio One