Օսկանյանը բառացի թելադրեց, թե ինչ է պետք անել բանակցություններում բեկում մտցնելու համար

Փաստաբան Վարազդան Հարությունյանը գրում է. 

«Օսկանյանը 4-րդ անգամ պնդեց իր առաջարկն ու պատասխանեց այն միակ քննադատությանը, թե «բա, որ կարող էիր լուծել հարցը, քո օրոք լուծեիր»:

Նա բացատրեց, որ սա ոչ թե հարցի լուծում է, այլ` բանակցություններում բեկում մտցնելու, այն պրո-հայկական հուն մտցնելու և կապիտուլացիան կանխելու եղանակ է (պերսպեկտիվայում ունենալով Արցախի ինքնորոշման իրավունքի ընկալման ՎԵՐԱկանգնումը):

Նա նաև բառացի թելադրեց, թե ինչ է պետք խոսել առաջիկա բանակցություններին այս ամենն իրագործելու համար:

Իշխանություններն ու յուր արբանյակները մինչ այժմ որևէ բովանդակային հակափաստարկ չեն բերել Օսկանյանի առաջարկի դեմ:

Հ.Գ. 1992թ. արցախյան առաջին պատերազմի ծանր փուլում, երբ հայկական կողմը կորուստներ էր կրում, ի պատասխան ընդդիմության քննադատությունների Լևոն Տեր-Պետրոսյանը պաշտպանության նախարար նշանակեց ընդդիմության առաջնորդ Վազգեն Մանուկյանին, որից հետո ռազմաճակատում ի օգուտ մեզ բեկում մտցվեց»»։