Փարիզում և արվարձաններում մեկ գիշերվա ընթացքում գրանցվել է 62 հրկիզում

Փարիզի ոստիկանությունը հրկիզման 62 դեպք է գրանցել Ֆրանսիայի մայրաքաղաքում և նրա արվարձաններում հուլիսի 14-ի գիշերը, երբ երկրում նշվում է Բաստիլի գրավման օրը, բերման է ենթարկվել 53 մարդ: Շաբաթ օրը հաղորդել է BFMTV հեռուստաալիքը, որին անդրդարձել է «ՌԻԱ նովոստի»-ն։

«Ուրբաթից շաբաթ գիշերը բերման է ենթարկվել 53 մարդ: Ընդհանուր առմամբ գրանցվել է գույքի 62 հրկիզում»,-ասվում է հեռուստաալիքի կայքում։

Նշվում է, որ երկու դեպքում էլ ցուցանիշները զգալիորեն ցածր են նախորդ տարվա համեմատ։ Հեռոըստաալիքի նյութում ասվում է, որ ազգային տոնի օրը ձերբակալությունների թիվը նվազել է 80%-ով, իսկ հրկիզումները՝ 70%-ով։

Ավելի վաղ հեռուստաալիքը ՆԳՆ-ին հղումով հայտնել էր, որ Ֆրանսիայում հուլիսի 14-ի գիշերը 96 ձերբակալություն է իրականացվել, 255 մեքենա է հրկիզվել, 51 անգամ հրավառություն է կիրառվել իրավապահների դեմ։ Ոստիկաններից, ժանդարմներից ու հրշեջներից տուժել է յոթ մարդ։