Մոսկվայում տղամարդը Մոլոտովի կոկտեյլ է նետել Լենինի դամբարանի վրա

Մոսկվայում հուլիսի 18-ի գիշերը տղամարդը փորձել է այրել Լենինի դամբարանը՝ մոլոտովի կոկտեյլը արգելապատնեշից ներս նետելով։ Այս մասին հայտնում է Telegram 112 ալիքը։

Աղբյուրի փոխանցմամբ՝ հարձակվողն այնտեղ է եկել շշով այրվող խառնուրդով, այն շպրտել դեպի դամբարանը, բայց միայն հարվածել է արգելապատնեշին։ Հրդեհ չի եղել, խուլիգանը ձերբակալվել է։

Ձերբակալման ժամանակ տղամարդը, ըստ ալիքի, եղել է ոչ սթափ վիճակում և դիմադրություն է ցույց տվել ոստիկաններին։