«Հրապարակ». «Ապրելու երկիր» կուսակցության ցուցակում է լինելու նաև Գոռ Գևորգյանը

«Հրապարակ» թերթը գրում է.

«Երևանի ավագանու ընտրություններին մասնակցելու որոշում կայացրած բոլոր կուսակցություններն այս օրերին ցուցակներ են կազմում, փաստաթղթերը կարգի բերում, իրենց քարոզչական թիմերը ձևավորում: Մենք տեղեկացանք, որ «Ապրելու երկիր» կուսակցության ցուցակում է լինելու նաև 2020 թվականի պատերազմից անմիջապես հետո առաջինը ԱԺ «Քաղպայմանագիր» խմբակցության կազմից դուրս եկած Գոռ Գևորգյանը:

Նա 2020 թ. դեկտեմբերի 1-ին հայտարարություն էր տարածել` նշելով. «Մեր պետության առջև ծառացած մի շարք առանցքային և խնդրահարույց հարցերի շուրջ առկա սկզբունքային տարաձայնություններից ելնելով` որոշում եմ կայացրել դուրս գալ «Իմ քայլը» խմբակցությունից` որպես անկախ պատգամավոր շարունակելով ընտրողներիս առջև ստանձնած պարտավորություններիս կատարումը… շարունակելու եմ ուժերիս ներածի չափով ծառայել հայրենիքիս»»։

Մանրամասները թերթի այսօրվա համարում։