Գյումրիում մեկնարկել է 8-րդ Համահայկական խաղերի բացման հանդիսավոր արարողությունը

Գյումրիի «Շիրակ» մարզադաշտում մեկնարկել է 8-րդ Համահայկական խաղերի բացման հանդիսավոր արարողությունը։

Օլիմպիական սկզբունքով՝ 4 տարին մեկ անցկացվող և Սփյուռքի ու Հայաստանի հայերին համախմբող խաղերին այս տարի մասնակցում է 42 երկրի 7000-ից ավելի մասնակից։

Համահայկական խաղերի մասնակիցները մրցելու են 19 մարզաձևերում, մրցումներն անցկացվելու են ոչ միայն Գյումրիում, այլև Ամասիայում, Արթիկում ու Հայաստանի այլ քաղաքներում։