Ուկրաինական ծովային դրոնի հարձակումից վնասվել է ռուսական «Սիգ» լցանավը

Ուկրաինական ծովային անօդաչու թռչող սարքի հարձակման ժամանակ Կերչի նեղուցի հարավային մասում ճեղքվածք է ստացել ռուսական «Սիգ» լցանավը, գրում է «Ռիա նովոստի»-ին։

Նշվում է, որ լցանավի վրա փրկարարական աշխատանքներն ավարտվել են գիշերը, վերանորոգման ու վերականգնման աշխատանքները շարունակվում են։ Նավը հարձակման ժամանակ բեռնված է եղել միայն բալաստով։

ՏԱՍՍ-ն էլ հայտնում է, որ Կերչի նեղուցում խոցված լցանավի անձնակազմը չի տուժել։ Վնասված լցանավում 11 մարդ է գտնվում։ Նշվում է, որ դեպքի վայր են ժամանել երկու քարշակներ։