Հորդանան գետի արևմտյան ափի հարձակման հետևանքով երկու իսրայելցի է զոհվել

Երկու իսրայելցիներ, ովքեր ծանր վիրավորվել էին շաբաթ օրը Հորդանան գետի Արևմտյան ափի Հուվարա գյուղի մոտ տեղի ունեցած զինված հարձակման հետևանքով, մահացել են։ ՏԱՍՍ-ը գրում է, որ այդ մասին հայտնում է Իսրայելի պաշտպանության բանակի մամուլի ծառայությունը։

«Հրաձգության հետևանքով երկու խաղաղ բնակիչ է զոհվել»,-ասվում է զեկույցում։

Իսրայելական զինվորականները ներկայումս սանրում են տարածքը՝ դեպքի վայրից փախած գրոհայիններին որոնելու համար։

Ավելի վաղ «Կան» պետական ռադիոկայանը հայտնել էր Հուվարում հրաձգության դեպքի մասին։ Ըստ պարբերականի, տեղի ավտոլվացման կետի տարածքում անհայտ անձինք կրակել են երկու մեքենաների ուղղությամբ, ինչի հետևանքով երկու տղամարդ ծանր վիրավորվել են։ Իսրայելցի բժիշկները փորձել են նրանց շտապ օգնություն ցուցաբերել։