Ստամուլում ջրհեղեղի հետևանքով 2 մարդ մահացել է, 12՝ վիրավորվել

Թուրքիայի օդերևութաբանության գլխավոր վարչությունը հայտնել է, որ սեպտեմբերի 5-ին Ստամբուլի նահանգում հորդառատ անձրևները հանգեցրել են ջրհեղեղի, որի պատճառով  մահացել է 2 մարդ, իսկը 12՝ վիրավորվել։

Ջրհեղեղի պատճառով տուժել են Ստամբուլի նահանգի հատկապես հյուսիային հատվածները։ Ջրի տակ են անցել մի շարք փողոցներ, շինություններ և մետրոյի կայարաններ, գրում է Էրմենիհաբերը։

Բաշաքշեհիր շրջանի ղեկավարը տեղեկացրել է, որ  տարհանման աշխատանքները շարունակվում են, իսկ Ստամբուլի նահանգապետը հորդորել է մոտոցիկլետով կամ այլ տրասնպորտային միջոցներով առայժմ չերթևեկել։