Վրաստանում իշխող կուսակցությունը 80 ստորագրություն է հավաքել Զուրաբիշվիլու իմպիչմենտը սկսելու համար

Իշխող «Վրացական երազանք-Ժողովրդավարական Վրաստան» կուսակցությունը պատգամավորներից 80 ստորագրություն է հավաքել՝ նախագահ Սալոմե Զուրաբիշվիլիին իմփիչմենթի ենթարկելու ընթացակարգ սկսելու համար դրանք Սահմանադրական դատարան ուղարկելու նպատակով։ Այս մասին լրագրողներին ասել է այս կուսակցության խորհրդարանական խմբակցության ղեկավար Մամուկա Մդինարաձեն։

«Մենք արդեն ունենք 80 ստորագրություն, բոլոր պատգամավորները, ովքեր ֆիզիկապես ներկա են, ստորագրել են նախագահի իմփիչմենթի մեկնարկի համար, այս հարցում մեծամասնությունը միասնական է, հիմա պետք է Սահմանադրական դատարանում նոտարով վավերացնել «Վրացական երազանքի» ներկայացուցչին»,-ՏԱՍՍ-ի փոխանցմամբ, ասել է նա:

Պատգամավորը հավելել է, որ ընթացակարգային հարցերի խորհրդարանական հանձնաժողովը կստուգի պատգամավորների ստորագրությունների իսկությունը, որից հետո դրանք կուղարկվեն Վրաստանի Սահմանադրական դատարան։ Դատարանը մեկ ամիս ժամանակ կունենա դիմումը քննարկելու համար, որից հետո խորհրդարանը երկու շաբաթվա ընթացքում պետք է քվեարկի իմպիչմենտի հարցով։

Սեպտեմբերի 1-ին Վրաստանի իշխող կուսակցությունը հայտարարեց նախագահի դեմ իմփիչմենթի գործընթաց սկսելու մասին։