Հայաստանի հետ խաղին բաժանելու են Թուրքիայի 32 000 դրոշ

Թուրքիայի ֆուտբոլի ֆեդերացիան Թուրքիա–Հայաստան ֆուտբոլի ազգային հավաքականների խաղին ոչ սպորտային վարքով է պատրաստվում։

Այս մասին գրում է 168.am-ն ու մանրամասնում՝ Թուրքիայի Ֆուտբոլի ֆեդերացիայի տարածած հայտարարության մեջ նշվել է, որ Էսքիշեհիրում Հայաստանի հետ խաղին թուրք երկրպագուներին բաժանելու են ռեկորդային քանակության դրոշ՝ ամբողջ տրիբունալները թուրքական դրոշներով պատելու համար։ Նշվել է նաեւ, որ մարզադաշտում լուսատախտակին ներկայացվելու է Թուրքիայի հանրապետության ստեղծման 100–ամյակին նվիրված շոու։

Թուրքիա–Հայաստան խաղն այսօր է՝ սեպտեմբերի 8-ի երեկոյան, ժամը 22:45-ին։ Հանդիպումը կսպասարկի իտալական մրցավարական անձնակազմը։

Հանդիպման մրցավար է նշանակվել Դանիելե Օրսատոն: Մրցավարի օգնականներն են Չիրո Կարբոնոն և Ալեսանդրո Ջիալատինին, չորորդ պաշտոնյան է Անտոնիո Ռապուանոն:

VAR-ի մրցավար է նշանակվել ՊաոլոՎարերին, VAR-ի մրցավարի օգնական՝ Ալեանդրո Դի Պաոլոն: