Սապպորո քաղաքի իշխանությունները որոշել են հետ կանչել ձմեռային օլիմպիական խաղերի անցկացման իրենց հայտը

Ճապոնիայի հյուսիսում գտնվող Սապպորո քաղաքի իշխանությունները որոշել են հետ կանչել 2030թ. ձմեռային օլիմպիական խաղերի անցկացման իրենց հայտը: Այս մասին գրում է ՀԱՕԿ-ը։

Նշվում է, որ  հրաժարման պաշտոնական որոշումը կարող է կատարվել հոկտեմբերի 11-ին։ Մինչդեռ քաղաքի ղեկավարությունը դեռ դիտարկում է խաղերն իր տարածքում անցկացնելու տարբերակը:

Ջիջի գործակալության հարցման արդյունքների համաձայն,  քաղաքացիների միայն 27%-ն է պաշտպանում  նախաձեռնությունը, դեմ է 53%-ը։

Ճապոնացիների դժգոհությունը կապված է 2021թ. Տոկիոյի օլիմպիական խաղերի շուրջ կոռուպցիոն սկանդալների հետ։

Սապպորոն ձմեռային օլիմպիական խաղերն ընդունել է 1972թ.  և քաղաքն արդեն ունի որոշ անհրաժեշտ ենթակառուցվածքներ ու մարզահամալիրներ։