Գազայի հատվածին իսրայելական հարվածների հետևանքով զոհերի թիվը հասել է 2215-ի

Հակամարտության սրման սկզբից Իսրայելի կողմից Գազայի հատվածին հասցված հարվածների զոհերի թիվը հասել է 2215-ի: ՏԱՍՍ-ը հայտնում է, որ նման տվյալներ է ներկայացրել Պաղեստինի առողջապահության նախարարությունը։

Ըստ գերատեսչության՝ «Գազայի հատվածում զոհվել է 2215 մարդ, վիրավորվել՝ 8714»։ Նշվում է, որ նույն ժամանակահատվածում Հորդանան գետի արևմտյան ափին սպանվել է 54 պաղեստինցի, վիրավորվել ավելի քան 1100-ը։