Դիարբեքիրի Սուրբ Կիրակոս հայկական եկեղեցում պատարագ է մատուցվել

Թուրքիայի Դիարբեքիր նահանգում գտնվող Սուրբ Կիրակոս հայկական եկեղեցու անվան օրվա առթիվ պատարագ է անցկացվել: Այս մասին գրում է Էրմենիհաբերը։

Պատարագը մատուցել է արքեպիսկոպոս Արամ Աթեշյանը:

Եկեղեցու հիմանադրամի փոխնախագահ Օհաննես Գաֆուր Օհանյանը տեղեկացրել է, որ պատարագն անցկացվել է Ստամբուլից ժամանած հոգևորականության հանդիսապետությամբ:

Օհանյանը նաև ասել է. «Մեր հայկական եկեղեցիներում ամեն տարի անվան օրվան նվիրված պատարագ է անկացվում: Այսօր էլ Սուրբ Կիրակոսի պատարագի օրն է»:

Նա նաև աշխարհին խաղաղություն է մաղթել:

«Ցանկանում եմ մի աշխարհ, որտեղ չեն լինի մահեր և կռիվներ»: