Իրանի արտգործնախարարը մեկնաբանել է Սիրիայում և Իրաքում ամերիկյան զորքերի վրա հարձակումները

Իրաքում և Սիրիայում ամերիկյան զորքերի վրա հարձակվող խմբերը գործում են Իրանից անկախ: Հարցազրույցում ասել է Իրանի արտգործնախարար Հոսեյն Ամիր Աբդոլլահիանը։

«Նրանք մեզանից ոչ մի հրաման կամ հրահանգ չեն ստանում: Ամերիկյան կողմը պնդում է, որ նրանք կապված են Իրանի հետ: Այդ խմբերն ինքնուրույն են որոշումներ կայացնում»,-ասել է արտգործնախարարը Bloomberg-ին տված հարցազրույցում:

Նախկինում Սպիտակ տան ռազմավարական հաղորդակցության համակարգող Ջոն Քիրբին ասել էր, որ ԱՄՆ նախագահ Ջո Բայդենը, անկասկած, կպատասխանի Իրանին՝ Մերձավոր Արևելքում ամերիկյան զորքերի դեմ հնարավոր հարձակումների համար, և այդ արձագանքը կունենա պաշտպանական բնույթ։