Ամենից շատ կարդացված նյութեր
.jpg "Եթե ՀՆԱ-ն չավելացնենք՝ պոտենցիալ պահանջարկը կոնվերտացիա է լինելու գնաճի.Մարտին Գալստյան")
Եթե ՀՆԱ-ն չավելացնենք՝ պոտենցիալ պահանջարկը կոնվերտացիա է լինելու գնաճի.Մարտին Գալստյան
«Մենք ունենք պոտենցիալ ՀՆԱ-ից այս պահին դրական շեղում, այսինքը՝ ունենք դրական ՀՆԱ-ի ճեղք»,-Ֆինանսավարկային և բյուջետային հարցերի մշտական հանձնաժողովի նիստում հայտարարեց ԿԲ նախագահ Մարտին Գալստյանը:
Նրա խոսքով՝ 2024 թվականին իրողությունն այնպիսին է լինելու, որ ֆիսկալ կողմից լինելու է հավելյալ պահանջարկ:
«Այստեղ պետք է աչալուրջ լինենք, որ հավելյալ դրական ազդակը չխաթարի մակրոտնտեսական կայունությունը, այսինքը՝ԿԲ-ի կողմից հիմնական գործառույթը լինելու է պահանջարկի կողմից այդ եկող հավելյալ ազդակներին որոշակի հակազդումը»,-հայտարարեց Գալստյանը:
Նա ասաց, որ առկա առաջարկի տեսանկյունից տարին չափազանց կարևոր է կապիտալ ծախսերը ժամանակին և որակով կատարելու համար:
«Եթե մենք պոտենցիալ ՀՆԱ-ն չավելացնենք, այլ միայն ավելացնենք պոտենցիալ պահանջարկը, ապա այդ ամբողջը ոչ թե ստեղծելու է պոտենցիալ՝ տնտեսական զարգացման տեսանկյունից, այլ կոնվերտացիա է լինելու գնաճի»,-ասաց ԿԲ նախագահը և այդ առումով կարևորեց կառավարության 2024 թվականին նախանշած կապիտալ ծախսերի ծրագրերն ամբողջությամբ իրականացնելը:
Նրա խոսքով՝ առաջարկի մյուս դրական կողմը Արցախի մեր հայրենակիցների ինտեգրում է:
«Եթե կարողանանք մեր հայրենակիցների մարդկային ռեսուրսը ճիշտ օգտագործել՝ համադրելով կապիտալի հետ, ապա հնարավորություն կունենանք որակյալ տնտեսական աճ ունենալ»,-հայտարարեց Մարտին Գալստյանը:
Studio One