Ռումինիայում թռչնագրիպից անկել են կարապները

Ռումինիայում կարապների շրջանում արձանագրվել է թռչնագրիպի երկրորդ բռնկումը։ Այս անգամ մոտ 50 կենդանի մահացած է հայտնաբերվել, որոնցից 15-ի մոտ հաստատվել է վիրուսը։ Այս մասին գրում է Euronews-ը։

Երկու տարվա ընթացքում երկրորդ անգամ Ռումինիայի իշխանությունները երկրի հյուսիս-արևելքում գտնվող Բիտկա Դոամնե լճի վրա սատկած կարապներ են հայտնաբերում։

Պատճառը թռչնագրիպն է, որը տարածված է մոտակա թռչնաբուծական ֆերմայում: Չնայած դրա տարածումը կանխելու համար ձեռնարկված սանիտարահիգիենիկ միջոցառումներին, անկման 50 դեպքից 15-ում թռչունների մոտ հայտնաբերվել է վիրուս։

Իսկ իրավիճակը կարող է վատթարանալ, քանի որ շուտով լիճը կդառնա ավելի քան 2500 կարապների տուն, որոնք ամեն տարի այստեղ են թռչում ձմռանը։