Էրդողանը մատնանշել է Իսրայելին աջակցող երկրների փոքրամասնությունը

Թուրքիայի նախագահ Ռեջեփ Թայիփ Էրդողանը հայտարարել է, որ Մերձավոր Արևելքում հրադադարի մասին բանաձևի վերաբերյալ ՄԱԿ-ի Գլխավոր ասամբլեայի քվեարկության արդյունքները ցույց են տվել, որ Իսրայելին աջակցող երկրները փոքրամասնություն են կազմում։

«ՄԱԿ-ի Գլխավոր ասամբլեայի քվեարկության ժամանակ 121 երկրներ հանդես եկան բանաձևի օգտին: Սա ցույց տվեց, թե որքան միայնակ են Իսրայելը և նրան աջակցողները: Եվ մենք քաջալերված ենք, որ ամբողջ աշխարհից մենք ձայներ ենք լսում Իսրայելի կատարած սարսափների դեմ: Մենք ակնկալում ենք, որ Իսրայելի կողմնակիցները կլսեն այդ ձայները»,-ՏԱՍՍ-ի փոխանցմամբ ասել է նա՝ Ռիադում Իսլամական համագործակցության կազմակերպության և Արաբական պետությունների լիգայի արտահերթ համատեղ գագաթնաժողովում, որը նվիրված է Մերձավոր Արևելքում և Գազայի հատվածում տիրող իրավիճակին։

Խոսքը ՄԱԿ-ի Գլխավոր ասամբլեայի 10-րդ արտահերթ արտահերթ նստաշրջանի մասին է, որն ավարտվել է հոկտեմբերի 27-ին անհապաղ զինադադարի կոչով բանաձևի ընդունմամբ՝ բոլոր խաղաղ բնակիչներին ազատ արձակելու և հումանիտար օգնության անխոչընդոտ առաքման պահանջով։ Բանաձևին դեմ են արտահայտվել 14 երկրներ, այդ թվում՝ ԱՄՆ-ը։