OpenAI-ը կգլխավորի Twitch-ի նախկին գլխավոր տնօրենը

ChatGPT նեյրոցանցը մշակող Open AI ընկերության նոր ղեկավարը կդառնա Twitch սթրիմինգային ծառայության նախկին գլխավոր տնօրեն Էմմեթ Շիրը: Սեմ Ալթմանը չի վերադառնա այդ պաշտոնին, հայտնում է Bloomberg-ը ՝ հղում անելով իր աղբյուրներին:

Նրա տեղեկատվության համաձայն, ընկերության տնօրենների խորհուրդը անտեսել է ներդրողների կոչերը, որոնք ցանկանում էին վերականգնել Ալթմանին պաշտոնում, և OpenAI-ի ղեկավարի պաշտոնը առաջարկել է Էմմեթ Շիրին:

Ավելի վաղ «The Information» պորտալը, հղում անելով OpenAI-ի տնօրենների խորհրդի անդամ Իլյա Սուցկեվերին, հայտնել էր, որ ընկերության հիմնադիր Ալթմանը ղեկավար մարմնի հետ բանակցությունների արդյունքներով, որոնք տեղի են ունեցել հանգստյան օրերին, որոշում է կայացրել չվերադառնալ գլխավոր տնօրենի պաշտոնին:

Հիշեցնենք՝ անցյալ շաբաթ OpenAI-ն իր բլոգում հայտնել էր, որ Ալթմանը պաշտոնանկ է արվել իր պաշտոնից: