Ռուսաստանն արգելափակել է Մոլդովայից մի քանի պաշտոնյաների մուտքը

Մոսկվան արգելափակել է Մոլդովայից մի քանի պաշտոնյաների մուտքը՝ ի պատասխան երկրում ռուսալեզու լրատվամիջոցների հետապնդումների։ ՌԻԱ Նովոստիի փոխանցմամբ՝ հայտնում է ՌԴ ԱԳՆ-ն։

ՌԴ-ում Հանրապետության դեսպան Լիլիան Դարիան կանչվել է Սմոլենսկայա հրապարակ և տեղեկացվել որոշման մասին։

«Դարիային տեղեկացվել է, որ որպես ասիմետրիկ միջոց՝ արգելվել է Մոլդովայի Հանրապետության մի շարք պաշտոնյաների մուտքը Ռուսաստանի Դաշնություն»,- ասվում է հրապարակման մեջ։

Դիվանագետին բողոքել են Մոլդովայում ռուսալեզու լրատվամիջոցների նկատմամբ քաղաքական դրդապատճառներով հալածանքների կապակցությամբ՝ որպես օրինակ բերելով նրանց ինտերնետային կայքերի մուտքի արգելափակումը: