Վայոց ձորի մարզում պատմամշակութային շերտ է բացվել

ՀՀ Վայոց ձորի մարզի Չիվա գյուղի տարածքում հողային աշխատանքների կատարման ընթացքում բացվել է պատմամշակութային շերտ։ Վայոց ձորի մարզպետարանի և Պատմական միջավայրի պահպանության Վայոց ձորի մարզային ծառայության աշխատակիցները ուսումնասիրել են  նշված տարածքը։ Աշխատանքներն այժմ դադարեցված են։

«Պահպանության Ծառայություն» ՊՈԱԿ-ից հայտնում են, որ տարածքում  նախատեսվում է մասնագիտական ուսումնասիրություն իրականացնել։