Մահացել է ուկրաինական ԱԹՍ-ի հարվածից վիրավորված «Ռոսիա 24»-ի լրագրող Բորիս Մաքսուդովը

Մահացել է Ուկրաինայի զինված ուժերի հարձակման ժամանակ վիրավորված «Ռոսիա 24» հեռուստաալիքի թղթակից Բորիս Մաքսուդովը։ «Սոլովյով LIVE»-ի եթերում հայտնել է Վլադիմիր Սոլովյովը:

«Մեր գործընկերը մահացել է առավոտյան ժամը վեցին Ջանկոյ տանող ճանապարհին։ Տղաները պայքարել են նրա կյանքի համար․ նա երեկ ծանր վնասվածքներ էր ստացել», - ասել է Սոլովյովը։

Բորիս Մաքսուդովը 38 տարեկան էր: Ավարտել է Սոչիի պետական համալսարանը։ Կարիերան սկսել է թերթում, ապա՝ հեռուստատեսությունում։ 

«Ռիա Նովոստի»-ի փոխանցմամբ, ՌԴ նախագահի մամուլի քարտուղար Դմիտրի Պեսկովը լրագրողի մահը մեծ ողբերգություն է անվանել: