Գազայի հատվածում իսրայելական հարվածների հետևանքով զոհվել է ավելի քան 14800 մարդ

Գազայի հատվածում իսրայելական հարվածների մեկնարկից ի վեր զոհերի թիվը հասել է 14854-ի, վիրավորների թիվը գերազանցել է 36 հազարը: «ՌԻԱ նովոստի»-ն գրում է, որ այդ մասին հաղորդում է Պաղեստինի իշխանությունների տեղեկատվական կենտրոնը։

«Գազայի հատվածում զոհերի թիվը գերազանցել է 14854-ը, այդ թվում՝ ավելի քան 6150 երեխա»,- ասվում է հաղորդագրության մեջ։

Տեղեկատվական կենտրոնի տվյալներով՝ անկլավի վրա իսրայելական հարձակումների սկզբից վիրավորների թիվը գերազանցել է 36 հազարը։

Անհայտ կորածների թիվը, ըստ իշխանությունների, գերազանցել է 7 հազարը, նրանց մարմինները կարող են գտնվել ռմբակոծված շենքերի փլատակների տակ։