Կիմ Չեն Ընը արբանյակից հետևել է ԱՄՆ ռազմաբազաներին

Կիմ Չեն Ընը Հյուսիսային Կորեայի կողմից ուղեծիր արձակված լրտեսական արբանյակից դիտարկել է ԱՄՆ ռազմակայանները։ Այդ մասին հայտնում է Bloomberg-ը։

Գործակալության տվյալներով՝ Հյուսիսային Կորեան տեսել է Խաղաղ օվկիանոսի Գուամի հատվածի երկնքում արված ամերիկյան Անդերսենի ռազմաօդային բազայի, Ապրա Հարբորի և ԱՄՆ այլ խոշոր ռազմակայանների օդային լուսանկարները։

Մինչ այդ պաշտպանության նախարար Մինորու Կիհարան հայտնել էր Երկրի ուղեծրում անհայտ օբյեկտի հայտնաբերման մասին, որը կարող է լինել ԿԺԴՀ-ի արբանյակը։

Նոյեմբերի 22-ին Կորեայի կենտրոնական լրատվական գործակալությունը հաղորդել է ԿԺԴՀ-ի Mulligyong-1 կոչվող հետախուզական արբանյակի հաջող արձակման մասին, որը դուրս է բերվել ուղեծիր: Հյուսիսային Կորեայի առաջնորդ Կիմ Չեն Ինը շնորհավորել է այս նախագծին մասնակցած գիտնականներին, ինժեներներին և աշխատակիցներին։

Հարավային Կորեայի հետախուզությունը կարծում է, որ Հյուսիսային Կորեան հազիվ թե միջուկային փորձարկումներ անի կամ նոր հետախուզական արբանյակներ արձակի մինչև այս տարվա վերջ, բայց այն կարող է անել 2024 թվականին: