ՀԱՊԿ միասնական ՀՕՊ համակարգը փաստացի ստեղծվել է, ՀՀ հետ կա համաձայնագիր. Շոյգու

Հավաքական անվտանգության պայմանագրի կազմակերպության մասնակից երկրների հակաօդային պաշտպանության (ՀՕՊ) միասնական համակարգը փաստացի ստեղծվել է, ՌԴ-ն կազմակերպության յուրաքանչյուր պետության հետ ունի համապատասխան երկկողմ համաձայնագրեր, անհրաժեշտության դեպքում համակարգը կփաստաթղթավորվի։ "Россия-1" եթերում ասել է ՌԴ պաշտպանության նախարար Սերգեյ Շոյգուն:

«Փաստացի այն (ՀԱՊԿ հակաօդային պաշտպանության համակարգը) ստեղծվել է, ստեղծվել է երկկողմ մակարդակով։ Մենք ունենք համաձայնագիր, պետություններից յուրաքանչյուրի հետ գործում են հակաօդային պաշտպանության համակարգեր։ Դա վերաբերում է Հայաստանին, Ղազախստանին, Ղրղզստանին, Տաջիկստանին, և, բնականաբար, Բելառուսին», - ասել է նա Շոյգուն։
Նախարարի խոսքով, համակարգը «հագեցած է և աշխատում է», և պարբերաբար վարժանքներ են անցկացվում՝ այն մարտական վիճակում պահելու համար։

Նա նշել է, որ ՀՕՊ միասնական համակարգ կա ԱՊՀ-ում, իսկ ՀԱՊԿ-ը փաստացի է դա արել։
«Եթե փաստաթղթեր են պահանջվում, մենք դրանք կփաստաթղթավորենք: Բայց մենք երկկողմանի համաձայնագիր ունենք ՀԱՊԿ անդամ յուրաքանչյուր երկրի հետ։ Եվ այդ երկկողմ պայմանագրով ստեղծվել է համակարգը»,- Ռիա նովոստիի հաղորդմամբ, ասել է Շոյգուն։