Սոմալիի նախագահի որդին Ստամբուլում մարդ է սպանել

Ստամբուլում առաքիչը մահացել է գրեթե մեկ շաբաթ անց, այն բանից հետո, երբ նրան վրաերթի է ենթարկել Սոմալիի նախագահի որդուն տեղափոխող մեքենան։ Այդ մասին գրում է smi24.kz-ը։

Ըստ ԶԼՄ-ների՝ միջադեպը տեղի է ունեցել նոյեմբերի 30-ին Ստամբուլի կենտրոնում՝ Քենեդիի մայրուղում։ 38-ամյա առաքիչ Յունուս Գեչերը մոտոցիկլետով սկսել է դանդաղեցնել թունելի ելքի մոտ՝ ճանապարհի եզրին կանգ առնելու համար։ Նույն ուղղությամբ ընթացող մեքենան, որի ղեկին եղել է Մոհամեդ Հասան Մահմուդը, բախվել է մոտոցիկլետին, իսկ Գեչերը հարվածից հետո շպրտվել է ճանապարհի վրա։
Գեչերը մահացել է հիվանդանոցում՝ չնայած բժիշկների ջանքերին։ Առաքիչի ընկերները, պատմեցին, որ տղամարդը թողել է երկու երեխաների, որոնցից մեկը հաշմանդամ։ Նրանք պնաև պատմել են, որ տեսահսկման տեսախցիկների ձայնագրությունների համաձայն՝ վթարի ժամանակ Մահմուդի մեքենան չի փորձել արգելակել։ Նրանք պահանջում են ձերբակալել Մահմուդին՝ որպես Գեչերի մահվան մեղավորի։