Խաղաղության պայմանագրի տեքստի շուրջ զգալի առաջընթաց է գրանցվել. Հաջիև

Բաքվի և Երևանի միջև խաղաղության պայմանագրի տեքստի շուրջ զգալի առաջընթաց է գրանցվել, սակայն մի քանի չլուծված խնդիր մնացել է։ Ադրբեջանական լրատվամիջոցների հաղորդմամբ, Berliner Zeitung թերթին ասել է Ադրբեջանի նախագահի օգնական Հիքմեթ Հաջիևը;

«Ադրբեջանը բարեխղճորեն բանակցում է Հայաստանի հետ տարբեր հարթակներում՝ տարածաշրջանում երկար սպասված խաղաղության հասնելու համար: Մենք իսկապես հավատում ենք, որ կա պատմական հնարավորություն կնքել խաղաղության պայմանագիր, և մենք չպետք է բաց թողնենք այս հնարավորությունը: Խաղաղության պայմանագրի տեքստում զգալի առաջընթաց է գրանցվել, բայց դեռևս կան մի քանի չլուծված խնդիրներ»,- ասել է նա։