«Իսլամական պետությունը» ստանձնել է Իրանում տեղի ունեցած ահաբեկչության պատասխանատվությունը

«Իսլամական պետություն»  ահաբեկչական խմբավորումն ստանձնել է Իրանի Քերման քաղաքում տեղի ունեցած պայթյունների պատասխանատվությունը։  

Այս մասին հայտնում է  Al Arabiya-ն՝ հղում անելով ահաբեկչական կազմակերպության Տելեգրամյան ալիքներին։

Հիշեցնենք, որ հունվարի 3-ին Իրանի Քերման քաղաքում 2 պայթյուն տեղի էր որոտացել՝ 2020 թվականին Բաղդադում ԱՄՆ ավիահարվածի հետևանքով իրանցի գեներալ Ղասեմ Սոլեյմանիի մահվան 4-րդ տարելիցի օրը, նրա հիշատակին նվիրված արարողության ժամանակ։

Պայթյունների հետևանքով ավելի քան 100 մարդ է զոհվել։