ԱՊՀ ՄԽՎ-ից դուրս գալուց առաջ Մոլդովային պարտավորեցրել են վճարել 340 հազար դոլարի անդամավճարների պարտքերը

Մոլդովան ԱՊՀ Միջխորհրդարանական վեհաժողովից (ՄԽՎ) լքելուց առաջ պետք է վճարի 340 հազար դոլարի անդամավճարների պարտքերը։ Այս մասին ասված է հանրապետության ֆինանսների նախարարության հրապարակած կառավարության որոշման նախագծում։

«ԱՊՀ ՄԽՎ-ին պարտքի վճարումը պայմանավորված է կազմակերպությանն անդամակցությունից Մոլդովայի հրաժարվելու գործընթացն ավարտելու վերջնաժամկետով (02.08.2024թ.)»,-ՏԱՍՍ-ի փոխանցմամբ, ասվում է փաստաթղթի բացատրական գրառման մեջ։

Մոլդովայի վերաբերմունքը Համագործակցության նկատմամբ սկսեց փոխվել 2020 թվականի նախագահական ընտրություններում Մայա Սանդուի հաղթանակից և 2021 թվականին նախագահի կողմից ստեղծված Գործողություն և համերաշխություն կուսակցության իշխանության գալուց հետո: Սանդուն երբեք չի մասնակցել ԱՊՀ գագաթնաժողովներին. 2023 թվականին Քիշնևի հռետորաբանությունը Համագործակցության նկատմամբ ավելի կոշտացավ, արտգործնախարար Նիկոլաե Պոպեսկուն հայտարարեց Քիշնևի որոշումը՝ չեղյալ հայտարարել ԱՊՀ շրջանակներում կնքված համաձայնագրերի մոտ մեկ երրորդը։