Դոմոդեդովոյում նռնակի պայթյունից տուժել է չորս մարդ

Մերձմոսկովյան Դոմոդեդովոյում նարգիլեի բարում նռնակի պայթյունից չորս մարդ վիրավորվել է։ Այս մասին հայտնում է 112 Telegram ալիքը։

Telegram ալիքի նախնական տեղեկություններով՝ նռնակի պայթյունի հետևանքով տուժել է չորս մարդ, որոնք հոսպիտալացվել են բուժհաստատություն։ Տուժածների վիճակի և ստացած վնասվածքների բնույթի մասին այս պահին տեղեկություններ չկան։

Մինչ այս հաղորդվում էր, որ դեպքը տեղի է ունեցել Գագարինի փողոցում գտնվող հաստատությունում։ Ենթադրաբար, նռնակ է պայթել նարգիլեի բարում։ Այս պահին դեպքի վայրում աշխատում են շտապօգնության մասնագետները։