Սպիտակ տունը ադեկվատ է համարել Ուկրաինայի համար 61 միլիարդ դոլար հատկացնելու դիմումը

Սպիտակ տունը «ադեկվատ» է համարում Ուկրաինայի համար 61 միլիարդ դոլարի խնդրանքը և ցանկանում է, որ Կոնգրեսը քննարկի այն։ «ՌԻԱ նովոստի»-ի փոխանցմամբ, այդ մասին ասել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

Քիրբին պատասխանել է այն հարցին, թե արդյոք վարչակազմը կարող է նվազեցնել պահանջվող գումարը հանրապետականների դիմադրությունը հաղթահարելու հարցում իր հնարավորությունները բարելավելու համար:

«Մենք կարծում ենք, որ այն ադեկվատ խնդրանք էր, և մենք ցանկանում ենք, որ այս խնդրանքը դիտարկվի»,-ասել է Քիրբին Սպիտակ տանը կազմակերպած ճեպազրույցում։ Նա հավելել է, որ հրապարակային բանակցություններ վարելու տրամադրություն չունի։

Կոնգրեսի հանրապետական ընդդիմությունը Կիևի համար Սպիտակ տան 61 միլիարդ դոլարի պահանջի հաստատումը կապում է ներգաղթի լայնածավալ բարեփոխումների իրականացման հետ և դրա պարամետրերը քննարկում է դեմոկրատ գործընկերների և վարչակազմի պաշտոնյաների հետ: